Iphaspoti yakho yokuphepha emanzini
IzeLulekwana zokuPhepha kilabo ababaThandimanzi
UNGABI SIBALO SESIKHATHI SOKUZITHABISA!
Njengombana kusikhathi sonyaka sethabo begodu abantu abanengi basiya emaholideyini, imiSebenzi yesiPholisa seSewula Afrika ithanda ukwazisa abantu abathanda imidlalo yemanzini bona batjheje khulu.
Nanzi izelulekwana ezisisekelo zokuqiniseka ukuphepha:-
Qiniseka bona wena nabanye abahlanu kwakho bayakghona ukududa ukubalekela ukukghanywa mamanzi.
Naningena ngemanzini avulekileko namkha isikepe, okungaba sikepe nanyana esingangani, itjhitjhirizo namkha ukukhamba ngommoya, qiniseka bona wembatha imbaji yokuvikela. Lepahla izakuqiniseka bona uhlala uthaya begodu uphila, nawuhlangabezana nobudisi.
Landela khulu imithetho ephathelene nokusetjenziswa kwamanzi ngombana yenzelwe ukuqinisa ukuphepha kwakho.
Nawutjhidela namkha ungena emanzini, lisa ukusela utjwala, iindaki namkha iinhlahla ngombana lokhu kungarholela ekuqedeni ukucabangisisa, kodwana godu kungaqeda ukucabanga ngokunikela amabanga kunye nokuzisindisa ngokomzimba kwakho namkha omunye umuntu ofuna irhelebho, ngokunjalo ube uzibeka engozini ekulu.
Tjheja khulu ngazo zoke iinkhathi lokha abantwana namkha abantu abadala nabaseduze ngombana bangatlhoga irhelebho lakho ngesikhathi bafuna irhelebho nabasengozini.
Ungangeni ngemanzini ebujameni bezulu obungasibuhle, namkha ngaphambi kancani kokurhwalala namkha kokusa, ngombana lokhu kungenza kube budisi kwabanye bona babone bonyana usebudisini.
Ungadudi uwedwa begodu nikela amatshwayo acacileko nawusengozini.
Balekela ukududa eendaweni ezingakavunyelwa, njengombana leziindawo zihlukanisiwe ukuqinisekisa ukuphepha kwakho.
Yiba netjhejo, nawududa emanzini agijimako godu nakuneenkhukhula, jamela kude.
Ungacabangi bona angeze kwenzeka kuwe namkha kiloyo omthandako bese, ufakwa esibalweni. Kufanele sivume bona lokhu kungehlela nanyana ngubani, kufaka hlangana nalabo abamajadu emanzini abanelemuko begodu nababandulwe ngokwaneleko.
IZELULEKWANEZI ZOKUPHEPHA ZIVEZWE LIHLANGOTHI LOKUKHANDELWA KOBULELESI LE-SAPS, ISIPHOLISA ESIBONAKALAKO, IMISEBENZI YESEKELO LEJINIFOMU ELIKHETHEKILEKO, NGOKUSEKELA IZENZO EZITHATHWA BATJUZI BAMAPHOLISA KUNYE NABAPHATHI BEENKEPE NGESIKHATHI SOKUPHOLISWA KWAMANZI EMPHAKATHINI NGEKAREKO EKULU EMIPHAKATHINI YETHU. UKUPHEPHA KWAKHO KUYIRHULUPHELO YETHU .
Iphaspoti yakho ekuphepheni ukuVinjezelwa nokuMukwa ikoloyi
IZELULEKWANA ZOKUPHEPHA: UBUJAMO OBUNGENZEKA BOKUVINJEZELWA NOKUMUKWA IKOLOYI
IZELULEKWANA EZILANDELAKO ZOKUPHEPHA ZIQALISWE EKUNIKELENI UNGAZIMBI ONGAHLE AVINJEZELWE NAMKHA UNGAZIMBI WOKUMUKWA IKOLOYI NGEENYELELISO EZINGENZIWA. KUQAKATHEKILE UKWAZI BONA ABANENGI ABONGAZIMBI BOKUVINJEZELWA / BOKUMUKWA IINKOLOYI BAYAKGHONA UKUSINDA EBUJAMENI BOKUVINJEZELWA / BOKUMUKWA IINKOLOYI BEGODU BAGCINA BASINDISIWE NAMKHA BAKHULULIWE. EENKHATHINI EZINENGI, UKULIMALA NOKUFA KUKANGAZIMBI KUBANGWA ZIZENZO EZINGAKALUNGI EZENZIWA BONGAZIMBI NGOKWABO.
KUNEMIHLAHLANDLELA OKUFANELE NJENGONGAZIMBI UYILANDELE, ENGANDISA AMATHUBA WAKHO WOKUSINDA BEGODU YEHLISE INGOZI YOKUKHUTJHWA ISITHUNZI, UKUNGAPHATHEKI KUHLE KUNYE NOKULIMALA EKUBAMBELELENI KULEMIHLAHLANDLELA:-
YAZI LOKHO OKUFANELE UKULINDELE NJENGONGAZIMBI
Abantu ababanjwe ngokuvinjezelwa namkha njengabongazimbi bokumukwa iinkoloyi, bavamise ukuba nemizwa yokungahlaliseki, ukuthuka, ukungakholwa kunye nokurarana.
Isenzo sabo sokuthoma sokuphendula kwabongazimbi, sivame ukuba nomphumela wokwala namkha ukuzibuyiselela begodu lokhu kungathathwa njengokubeka ipilo engozini, okungaphetha ngokulahleka kwepilo.
Zilungiselele ukuba wedwa begodu ususiwe emndenini wakho, abangani namkha labo obathandako.
Ungabuye godu ukhohlwe sikhathi nokuthi ukuphi.
YAZI OKUFANELE UKULINDELE KUMHLUNGUPHAZI
Angatshwenyeka, ukuthuka nokungahlaliseki.
Angaba nomukghwa wokwenza izinto ngokudluleleko.
OKUFANELE UKWENZE
Yenza koke umhlunguphazi akutjela bona ukwenze begodu landela yoke imilayo yakhe.
Linga ngazo zoke iinkhathi ukugcina ukuzikhakhazisa kwakho, isithunzi nokuzihlonipha kwakho.
Gcina umkhumbulwakho usebujameni obuhle ngokudlala imidlalo engqondwenakho, ukubhudanga emini kunye nokufunda nanyana ngikuphi onikelwa khona.
Linga ukugcina amandla womzimba, kufanele udle ukudla okunikelwa mvimbezeli.
Linga ukugcina ubuntu bakho.
Linga ukuhlala ugade koke okwenzekako mayelana nemikhambo, amatjhuba, isikhathi kunye nendawo.
Linga ukugcina okujwayelekileko godu uhlale uphilile nabuvumako ubujamo.
Zivumele bona urholwe mvimbezeli.
Linga ukuzigcina upholile, uthulile begodu uzibuthile.
Lala phasi begodu uhlale lapho ngesikhathi sesahlelo lokuhlangula.
OKUNGAKAFANELI UKWENZE
Ungathuki namkha ube nomuzwa wokulwa.
Unganghanghabali.
Ungatlhorisi, ube nenturhu namkha ubhalelwe kukuzilawula.
Ungathuseli namkha usilinge abavimbezeli.
Ungangeni epikiswaneni nabavimbezeli.
Ungangeni eenkulumeni zokuhleba.
Ungasebenzisi amagama namkha amalimi wabezizwe, ngombana lokhu kungabanga ukusola.
Ungenzi iimbawo.
Ungabi nezwelo lalokho okulwelwa mvimbezelakho.
Ungalingi ukubaleka, ngombana lokhu kungakubeka engozini.
LEZI KUZIZELULEKWANA ZOKUPHEPHA EZIKHUTJHWE YI-SAPS, IHLANGOTHI LOKUKHANDELWA KOBULELESI, ISIPHOLISA ESIBONAKALAKO, IMISEBENZI ESEKELAKO YEJINIFOMU, NGOKUSEKELA IZENZO EZENZIWA NGILABO ABAKHULUMISANA NABAVIMBEZELI EKAREKWENI EKULU YOMPHAKATHI.
UKUPHEPHA KWAKHO YIRHULUPHELO YETHU
